|
|
快樂到死 HAPPY END
南韓 /2000 /100 mins/ III級
韓語對白•中英文字幕
導演Dir.: 鄭址宇 Jung Ji-woo
演員Cast: 崔民植 Choi Min-shik, 全度妍 Chun Do-yun
以上係由戲院方面提供的一點扼要描述...其實我對於故事入面冇用丈夫的感覺比較深刻. 一個平時唔出聲唔出聲的人, 當佢遇上老婆出牆紅杏時, 反應是傷心(當然), 但佢並冇出聲, 只係默默咁睇佢老婆點做, 佢更加為左要避見老婆嘅情夫, 要帶埋 BB 走上一層樓... 但當佢知道呢個老婆已經唔會再回頭時, 佢竟然可以冷靜到利用去老師喪禮為自己制造不在場證明, 繼而將老婆亂刀刺死, 最後仲將罪名嫁禍俾情夫.......嘩!!! 好鬼死震撼!!! 完全想唔到, 同埋睇佢不停咁用刀插佢老婆嘅時候, 佢個樣係完全目無表情, 一路插嘅時候, 其實佢老婆都仲有少少郁動, 但俾佢插插下都無晒反應...佢都仲繼續插, 完全將佢心入面所有嘅不滿, 失望, 傷心, 憎恨... 一一發洩喺條屍上面.....
但其實佢又真係好鬼死愛佢老婆, 由佢攞佢老婆將相入廁所係咁喊果幕就知啦....... 其實, 我覺得真係好可惜, 一個大好家庭, 咁就冇左... 如果咁嘅結局真係導演所認為的快樂收場, 我絕對覺得佢係癲架....!!!!!!
三個主線人物都做得好好, 真係好好.....呢套戲值得一睇!!! 
但要年滿十八歲先好呀!! 三級㗎!!!
唔睇你嘅事!
呢個係我嘅私人空間, 所講的都是我的一點個人意見, 請大家唔好咁認真, 純為發洩...歡迎大家將意見寫喺留言版, 遲d會整返個討論區...不過, 遲d先啦!!!
天國情書
日本戲, 男女主角都唔係俊男美女, 但越睇就越覺好睇.......
一個少女在一個街頭上邂逅一個正在賣牛肉飯的男子... 少女旋間就愛上了他, 一段感情就咁就開萌芽啦.... 後來女子得了天花, 要去到一個與世隔絕的療養院醫治, 少女在那裏認識到一群被社會所排斥,所遺棄的病人, 令佢重新認識到生命的意義, 最後佢更決定留在那裏陪伴他們, 默默地承受著同男朋友長期分隔的痛苦............. 最後更因此而死亡
由最初只係女仔單純地單戀男仔, 到後來男仔都愛上女孩,時間並非很長, 亦都沒有好長編大論談他們的愛.... 反之, 花了大量篇幅在療養院內, 人與人之間的關係, 那些病人的回憶, 從回憶知道他們的痛苦.... 最令我感動係女主角那份真誠, 那份純潔的愛, 無論對男孩, 還是對那些病人.....
不過, 我都不大肯定點解用此戲名... 大慨天國便是那寧靜的療養院, 情書便是男孩子所收的有關於女孩的信吧!!!!!!
的確, 能擁有那顆善良的心, 我相信只有天國的天使!!!!!!